Rrustem Llapi dërgohet në mbajtje për vrasjen, deklarohen nga prokuroria dhe policia gjermane

Rrustem Llapi, 52 vjeçar nga Podujeva është lënë në arrest sipas një vendimi në Dyseldorf, pasi mbi të rëndon vepra e vrasjes së rëndë. Ai dyshohet se të dielën në mbrëmje e vrau me armë zjarri Aleksandar M., 38 vjeçar, me origjinë nga Serbia. Sipas raportimeve atje, dyshimet e para janë që konflikti ka ardhur si pasojë e një borxhi prej 15 mijë euro

Policia e Dyseldorfit ka konfirmuar se Rrustem Llapi, 52-vjeçar është dërguar në mbajtje, pasi të dielën e vrau një reper gjerman me origjinë serbe. Sipas njoftimit, vendimi për dërgimin e Llapit në mbajtje është dhënë dje nga Prokuroria e Dyseldorfit.

“Personi u arrestua menjëherë në vendngjarje. Ai është nxjerrë ndërkohë para gjyqtarit hetues, i cili ka urdhëruar dërgimin e tij në mbajtje. Hetimet nga prokuroria ishin kishin nisur që në mëngjesin e së dielës. Gjatë ditës janë intervistuar disa dëshmitarë dhe janë nisur apo janë kryer hetimet mjeko-ligjore. Zyrtarët e komisionit shikuan dhe vlerësuan gjithashtu video-materialet e sekuestruara. Trupit të të vrarit i është bërë autopsia. Prokuroria e konsideron veprën si vrasje të plotë në fazën aktuale të hetimeve.52-vjeçari i arrestuar është sjellë para gjykatës pasditen e së hënës. Ndaj tij u lëshua një urdhëarresti”, thuhet në njoftimin e përbashkët të policisë dhe prokurorisë në Dyseldorf.

Një borxh prej 15 mijë eurove dyshohet se ka qenë arsyeja pse Rrustem Llapi e qëlloi për vrasje reperin gjerman me origjinë serbe, Aleks M.

Siç raporton tabloidi gjerman Bild të hënën në mbrëmje, shqiptari i dyshuar për vrasje kishte humbur në kumar, sipas burimeve brenda hetuesisë gjermane.

“Vrasësi humbi në kumar dhe u kthye me pistoletë”, shkruhet në titullin e artikullit të “Bild”.

“A ka vdekur reperi gangster dhe pronari i lokalit Aleksandar M. (38-vjeç) për 15 mijë euro? Ai u qëllua katër herë të dielën mbrëma nga vrasësi i dyshuar me tuta të kuqe në Dyseldorf”, shkruan tabloidi gjerman.

Gjatë këtyre hetimeve do të bëhet e qartë edhe akuza ndaj të dyshuarit kryesor, që është Rrustem Llapi, një 52-vjeçar nga Podujeva. Mediat gjermane shkruajnë se vepra penale ndaj tij mund të jetë vrasje ose vrasje e rëndë.

Rasti i cilësimit të vrasjes së rëndë, ndoshta varet edhe nga fakti nëse mund të vërtetohet se autori ka hyrë në restorant me qëllim për ta vrarë viktimën dhe për këtë arsye mbante me vete armë.

Të hënën, 52-vjeçari u soll para gjykatësit. Ai u mbrojt në heshtje.

Mediat gjermane kanë raportuar të hënën se viktima Aleksandar M. ishte edhe reper dhe i pëlqente të prezantohej në internet si ” gangster” i vërtetë. Ai kultivonte një imazh si biznesmen pasanik, herë pozonte me një Ferrari, herë me xhipa të mëdhenj.

Ndërkaq, Rrustem Llapi është një shqiptar nga Podujeva, i cili në rrjetet sociale publikonte shpesh video në Tik-Tok në të cilat shfaqej herë në Kosovë, e herë në Gjermani.