Gjuriq: Mbetet të shihet nëse do të ketë pasoja për këtë veprim malinj kundër Kosovës

- Bota Sot

Gjuriq: Mbetet të shihet nëse do të ketë pasoja për këtë veprim malinj kundër Kosovës

Ambasadori i Serbisë në SHBA, Marko Gjuriq, ka thënë se vendimi i autoriteteve në Kosovë për "t’iu mohuar qytetarëve serbë të drejtën për të votuar në një referendum për ndryshimet kushtetuese në Serbi është i pafalshëm dhe zhgënjyes".

“Mbi të gjitha, është jodemokratike dhe minon praktikën e mirë të kahershme që u mundësoi serbëve të ushtrojnë të drejtat e tyre të votës. Kjo gjithashtu bie ndesh me kërkesat e partnerëve tanë amerikanë dhe evropianë”, ka shkruar Gjuriq në Twitter.

Tutje Gjuriq tha se Kosova vendosi të injorojë kërkesën e sekretarit Blinken, dhe e quajti këtë “sulm të paprecedentë ndaj demokracisë”.

“Mbetet të shihet nëse do të ketë pasoja për këtë veprim malinj dhe të dhunshëm kundër të drejtave thelbësore politike të serbëve në Kosovë”.

“Nevojitet veprim nëse duam të parandalojmë përkeqësimin e mëtejshëm të situatës në muajt e ardhshëm”, përfundoi Gjuriq.



Read it all at Bota Sot