Vrasja e kunatit me 10 plumba, djali i të dyshuarës rrëfen problemet familjare ( Video )
- Gazeta e Prizrenit
Djali i Nazmije Millakut, e cila dyshohet se vrau kunatin e saj ditë më parë në lagjen ”Kodra e Trimave”, ka ndarë një rrëfim të padëgjuar më parë lidhur me raportet në familje, të cilat rezultuan me pasoja fatale.
Ai në rrëfimin e tij ka thënë se xhaxhai i tij tashmë i ndjerë, asnjëherë nuk e ka kërcënuar nënën e tij, siç kishte deklaruar ajo në Prokurori.
”Unë qysh nga fëmijëria, jo vetëm unë por edhe vëllai im, raportin me axhin e kemi pasë të shkëlqyer”.
”Prej fëmijërisë, mixha është kujdes gjithmonë ndaj neve. Fillimisht e kemi ndje si obligim familjar, e si moral, me qenë afër tij, se ai nuk ka pasë fëmijë”.
”Ma herët kemi jetu bashkë. Pastaj mixha ka dalë në hyrjen tjetër. Gjithmonë kafen e mëngjesit e kemi pi bashkë me të”.
”Ai e ka pa që zhurmat që janë kriju nga nana jonë, nuk ndalen. Ai gjithmonë ka dashtë me i ikë konfliktit”.
Ju s’e keni dëshmuar ndonjëherë ndonjë konflikt verbal të axhës me nënën tuaj?
”Axhi im asnjëherë nuk e ka kërcënu nanën tem. Mbi të gjitha asnjëherë nuk ka tentu me sulmu fizikisht nanën tem”.
/GazetaSinjali/
