Editorial: Paradoksi elektoral i Prizrenit – Kryeqyteti Historik në Parlament përfaqësohet nga shumica minoritare

Zgjedhjet parlamentare të 7 qershorit kanë nxjerrë në pah një nga paradokset më interesante politike në Kosovë. Komuna e dytë më e madhe në vend – Prizreni, i vlerësuar gjerësisht si Kryeqyteti Historik, ka arritur të sigurojë 10 ulëse në Kuvendin e Kosovës.

Mirëpo, ndryshe nga ç’mund të pritej, shumica e tyre apo 6 deputetë vijnë nga radhët e minoriteteve përmes votës së rezervuar, shkruan Gazeta e Prizrenit.

Ky rezultat reflekton një realitet të ri përfaqësimi, ku pesha kryesore e zërit prizrenas në Parlament kësaj radhe nuk do të jetë nga partitë shqiptare, por nga komunitetet joshumicë.

Partitë shqiptare: Dominon LVV

Nga kampi politik shqiptar, Prizreni do të përfaqësohet nga vetëm katër deputetë. Lëvizja Vetëvendosje (LVV) ka përsëritur suksesin më të madh në këtë komunë duke siguruar tre mandate: Hajrulla Çeku, Arbër Rexhaj, Artan Abrashi.

Nga ana tjetër, Lidhja Demokratike e Kosovës (LDK) do të përfaqësohet vetëm nga Anton Quni.

Paradoksi thellohet edhe më tej kur shihet performanca e partive të tjera të mëdha: PDK-ja dhe as AAK-ja nuk kanë arritur të nxjerrin asnjë deputet nga komuna e Prizrenit në këto zgjedhje.

Komunitetet joshumicë marrin timonin e përfaqësimit

Përfaqësimin më të madh parlamentar nga komuna e Prizrenit kësaj radhe e kanë siguruar komunitetet joshumicë, me gjithsej gjashtë deputetë: tre nga komuniteti boshnjak, dy nga ai turk dhe një nga komuniteti rom.

Sipas subjekteve politike, këta janë deputetët që do të ulen në stolat e Kuvendit:

Një realitet i ri politik

Ky konfigurim i ri tregon qartë se si vota e komuniteteve, e ndihmuar nga mekanizmat e vendeve të rezervuara, ka arritur të krijojë një bllok solid përfaqësimi nga Prizreni. Ndërsa partitë e mëdha shqiptare pësuan tkurrje apo dështim në këtë zonë./ Gazeta e Prizrenit