Ndërron jetë i riu nga Mitrovica, ishte aksidentuar rëndë në Strasburg të Francës

Leonard Gashi nga Mitrovica, ka ndërruar jetë pas aksidentit të rëndë që kishte ndodhur ditë më parë në Strasburg të Francës.

27-vjeçari i cili ishte aksidentuar të mërkurën me 14 gusht, kishte qëndruar tri ditë në koma.

Ai ishte përplasur në mënyrë direkte me një lis skaj rrugës.

Kur shërbimet e urgjencës mbërritën në vendngjarje, viktima ishte i vetëdijshëm, por i bllokuar në veturën e tij.

Zjarrfikësit në vendngjarje kanë nxjerrë të riun për t’i dhënë ndihmën e parë.

Për shkak të gjendjes së rënduar, viktima ishte transportuar me helikopterin e sigurisë civile Dragon 67 në spitalin Hautepierre në Strasburg.

Për shkak të plagëve të marra, i riu mitrovicas ka ndërruar jetë.