Dëshmitarja serbe tha se iu ndryshua dëshmia për UÇK-në, avokati kosovar: Është e papranueshme, është një dëshmi se ka fabrikim të procesit!

Stamena Jeliq ishte dëshmitarja e 94-të në rastin e krerëve të Ushtrisë Çlirimtare të Kosovës. Bashkëshorti i saj dyshohet të jetë rrëmbyer nga disa persona në kohën e luftës dhe që nga atëherë, asgjë nuk dihet për fatin e tij. Në seancën e Gjykatës Speciale, ajo është përballur me disa deklarata të dhëna në Ministrinë e Brendshme të Serbisë.

E në lidhje me dëshminë e Jeliq ka reaguar avokati Ardian Bajraktari, i cili ka thënë se dëshmia e dëshmitares 94, në procesin gjyqësor që po zhvillohet në Dhomat e Specializuara në Hagë ndaj ish krerëve të UÇK-së, është një dëshmi se ka fabrikim të procesit.

Ai ka thënë se Qytetares “dëshmitare”,  iu kanë ofruar dokumente për nënshkrim me deklarata që nuk i kanë thënë.

Lexo edhe:

Prizren: Kuvendarët e opozitës kundërshtojnë që i përfoluri, Arben Shala, të riciklohet në Komisionin për drejtor shkollash

“Kjo është e papranueshme, “provave” të tilla nuk duhet t’u falet besimi, normalisht duhet shpallur të pa pranueshme.Po ashtu, duhet analizuar me kujdes rastet e tilla që të njëjtit të ballafaqohen, andaj duhet rishikuar listën e dëshmitarëve që është thënë se nuk do të ftohen. Drejtësia do fakte jo hamendësime! Me “prova” të tilla nuk vendoset drejtësi”, ka thënë Bajraktari.!