Shkarkohet Erick ten Hag

Manchester United ka njoftuar se është ndarë me trajnerin Erik ten Hag, me “Djajtë e Kuq” që janë në vendin e 14-të në Premier League pas humbjes së fundjavës ndaj Ëest Ham.

Ten Hag-ut iu dha një zgjatje e kontratës nga klubi në verë, pasi mundi Manchester Cityn në finalen e FA Cup, pavarësisht nga vendi i tetë në Premier League. Megjithatë, katër humbje nga nëntë ndeshjet e tyre të para në ligë, si dhe asnjë fitore në Ligën e Evropës, e kanë detyruar klubin në veprim.

Erik u emërua në prill 2022 dhe e udhëhoqi klubin drejt dy trofeve vendase, duke fituar Kupën Carabao në 2023 dhe FA Cup në 2024, përcjellë KosovaPress.

Ruud van Nistelrooy do të marrë përgjegjësinë e skuadrës si trajner i përkohshëm, i mbështetur nga ekipi aktual i trajnerëve, ndërsa do të rekrutohet një trajner i përhershëm.