Besa gati për Shkëndijen, Alimi shpreh optimizmin

Besa e Dobërdollit po përgatitet për sfidën e radhës në Tetovë kundër Shkëndijes, në kuadër të javës së 12-të të Kampionatit të Maqedonisë së Veriut në futboll.

Armend Alimi, futbollist i Besëa, tha se e ka mërzitur humbje me rezultat 2:0 në Kratovë nga Sileksi gjatë javës që e lamë pas. 

Ndeshja luhet nesër (13.00).

“Normal humbja e fundit nga Sileksi na ka mërzitur të gjithëve, por kjo është futbolli.

E mira është që ndeshja e radhës vjen shpejt dhe kemi mundësi që të përmirësojmë gabimin e bërë nga kjo ndeshje.

Na pret një kundërshtar i fort, por atmosfera është pozitive, jemi të motivuar dhe besoj se nga kjo ndeshje do të dalim me rezultat pozitiv”, thotë Alimi.

Futbollisti kujton kohërat e mira që ka kaluar te skuadra e Shkëndijes: “Po, dihet se në Shkëndijë kam kaluar kohën më të gjatë të karrierës time futbollistike.

Për mua, Tetova dhe Shkëndija do të mbeten gjithmonë pjesë e familjes time.

Mirëpo, ne jemi profesionistë dhe në terrenin e gjelbërt japim maksimumin për klubin tonë, dhe shpresojmë në më të mirën për këtë ndeshje”.