Kërkimi për personat e zhdukur po vazhdon pas stuhisë shkatërruese në Spanjë

Përpjekjet e kërkim-shpëtimit vazhduan në Spanjë të enjten, pasi një stuhi shkatërruese la të vdekur të paktën 104 njerëz dhe shkaktoi shkatërrim të gjerë në provincën Valencia, me shumë njerëz ende të zhdukur.

Ministrja spanjolle e Mbrojtjes Margarita Robles tha se autoritetet ende nuk mund të ofrojnë një numër të saktë, por se "shumë njerëz" mbeten të zhdukur.

Rreth 1 mijë ushtarë u vendosën të enjten në mëngjes dhe prioriteti i tyre kryesor është gjetja e të zhdukurve.

"Ne e dimë se në vende si Paiporta dhe Massanassa, mund të ketë njerëz në garazhe, në bodrume -- njerëz që dolën për të gjetur automjetet e tyre," tha Robles në një intervistë me transmetuesin Telecinco.

Disa linja hekurudhore lokale janë në gjendje edhe më të keqe, për të cilat ai vlerëson se do të duhen "shumë muaj" për tu riparuar. Ndërkohë, rreth 80 kilometra autostradë në Valencia janë dëmtuar rëndë.

Megjithatë, agjencia meteorologjike e Spanjës AEMET lëshoi një paralajmërim të kuq për "rrezik ekstrem" të martën në mëngjes, rreth 12 orë përpara se qeveria lokale të dërgonte një paralajmërim në telefon.

Stuhia ka rënë në intensitet, por vazhdon të përmbyt disa pjesë të Spanjës. Më shumë përmbytje ndodhën në provincën Castellon të enjten, e cila u vu në alarm të kuq për reshje të dendura shiu. Katalonia ka aktivizuar gjithashtu alarmet e kuqe për zonat në jug të rajonit.

Nga viktimat e deritanishme, 101 ishin në Valencia, por të tjerë humbën jetën edhe në provincat Cuenca, Albacete dhe Malaga. Spanja ka shpallur tri ditë zie kombëtare.