Stacioni i policisë në Prizren mbushet me të arrestuar, policia jep detaje për aksionin e mbrëmshëm (Foto)
- Gazeta e Prizrenit
Mbrëmë rreth mesnatës, pas marrjes së një informate përmes rrugëve operative, policia e Prizrenit ka intervenuar në një lokal, i cili gjendet në rrugën “2 korriku”, ku dyshohej për organizimin të skemave piramidale dhe bixhoz të paligjshëm. Gjatë kontrollit në lokal janë hasur 18 persona, shtetas të Kosovës.
Gjatë kontrollimit te njëri nga të dyshuarit është gjetur një pistoletë, gjersa të dy të dyshuar tjerë janë gjetur dy mjete të mprehta (thika).
Pistoleta, një karikator me shtatë fishekë si edhe dy thika janë konfiskuar nga zyrtarët e krimteknikës të cilat do të përdoren si dëshmi për gjykatë.
“Të gjithë personat e dyshuar janë arrestuar dhe janë sjell në stacion policor në Prizren ku janë intervistuar në bazë të procedurave ligjore dhe me urdhër të prokurorit të shtetit iniciohet rasti: “Organizim i skemave piramidale dhe bixhoz i paligjshëm” si edhe “Armëmbajtje pa leje””, thuhet në njoftimin e policisë.
Të gjithë të dyshuarit janë ndaluar për 48 orë, ndërsa rasti është proceduar në Prokurorinë Themelore në Prizren./IndeksOnline/
