Jose Mourinho dhe Fenerbahce kthehen plotësisht në garë për titull

Fenerbahçes ka mundur Gaziantepin me rezultat 3-1 në kuadër të xhiros së 14-të të Superligës së Turqisë, duke iu afruan liderit Galatsaray me vetëm tre pikë.

Feneri ka shfrytëzuar gabimin e rivalit të tyre më të madh, i cili dje luajti vetëm barazimin 2-2 ndaj Eyupsporit në fushën e tyre dhe u rikthye plotësisht në garën për titull.

Oguz Aydin, Rodrigo Becao dhe Edin Dzeko i shënuan golat në fitoren e skuadrës së Jose Mourinhos.

Në 13 ndeshje të Superligës së Turqisë, Dzeko ka shënuar tetë gola, ndërsa ka katër gola në katër ndeshje kualifikuese për Ligën e Kampionëve dhe një në Ligën e Evropës.

Ai edhe pse në moshë deri tani ka 13 gola me fanellën e Fenerbahces në të gjitha garat.

Fenerbahçe do të presë Besiktasin në xhiron e ardhshme, tjetër derbi i madh turk.