Ky është i arrestuari nga Policia e Kosovës që kërkohej me urdhërarrest ndërkombëtar

Pasditen e së hënës, Policia e Kosovës ka arritur ta ndalojë dhe të arrestojë një person që kërkohej me urdhërarrest ndërkombëtar. I dyshuari ndodhet në ndalim policor dhe tashmë kanë nisur procedurat e ekstradimit, raporton Gazeta Sinjali.

Burimet e Sinjalit kanë bërë me dije se bëhet fjalë për Benjur Islami, rreth 31-vjeçar, i cili kërkohej nga Republika e Maqedonisë së Veriut lidhur me një rast të mëhershëm.

Islami është prangosur në Obiliq, ku Policia arriti ta lokalizojë vendndodhjen e tij.

Pas arrestimit, i njëjti është shoqëruar në stacion policor dhe me urdhër të Prokurorit të Shtetit, është dërguar në mbajtje për 48 orë.

Lidhur me rastin, kanë nisur procedurat për ekstradimin e tij.