Schweinsteiger e kritikon sy për sy trajnerin Kompany

Bastian Schweinsteiger u tregua i pamëshirshëm me trajnerin e Bayern, Vincent Kompany, pas humbjes së bavarezëve në Kupën e Gjermanisë përballë Bayer Leverkusen.

“Ke qenë vetë qendërmbrojtës, kështu që nuk mund të riskosh kaq shumë në mbrojtje. Vura re që Bayern luajti shumë lart.

Dy qendërmbrojtësit ishin thuajse në mesfushë. Duhet më shumë ekuilibër”, u shpreh ish-mesfushori gjerman, i cili ka fituar Champions League me Bayern (2013).

Vincent Kompany nuk e pranoi kritikën e gjermanit. “Ne prodhojmë shumë shanse shënimi, rreth 20 për ndeshje. Zakonisht kemi vetëm dy apo tri raste kur kundërshtari na rrezikon portën”, reagoi belgu.

“Vërtet luajmë lart, por fitojmë shumë topa. Jemi gjithmonë në epërsi numerike në mesfushë falë dy qendërmbrojtësve tanë”, shtoi më tej Kompany, i cili, për fatin e tij të keq, nuk e bindi Schweinsteiger.