Flick i kënaqur me fitoren ndaj Dortmundit, flet edhe për gabimet e bëra

Barcelona ka marrë një fitore shumë të rëndësishme në Signal Iduna Park, duke triumfuar ndaj Borussia Dortmundit 2-3.

Hansi Flick është mjaft i kënaqur me mënyrën se si Barcelona arriti fitoren 3-2 ndaj Borussia Dortmundit në Ligën e Kampionëve.

“Më duhet të përgëzoj skuadrën. Gjëja më e mirë sot ishte zotërimi i topit në pjesën e parë, mënyra se si erdhën ndryshimet me Ferranin… është e qartë që skuadra beson”.

“Vuajtja kundër Dortmundit? Vuajtja nuk është fjala e duhur, ata kanë lojtarë shumë të mirë, është e vështirë të mbrohesh kundër tyre, por ne bëmë mirë”.

Flick tha se golat e pranuar nga skuadra e tij erdhën shkaku i gabimeve në mbrojtje.

“Ata shënuan sepse ne bëmë gabime. Ne gjithmonë mund të përmirësohemi, të stërvitemi në këtë, por sot dua të përgëzoj skuadrën”, tha Flick.

Barça me këtë fitore është ngjitur në vendin e dytë në tabelën e Ligës së Kampionëve. Ata kanë nevojë për një pikë nga dy ndeshjet e fundit të ligës për t’u kualifikuar drejtpërdrejt në raundet e eliminimit direkt.