Serbët vajtojnë dënimin 173 mijë euro, UEFA duhet të ketë edhe opsionin tjetër për ta

Jo vetëm dënimi me të holla, por edhe të ketë masa tjera edhe më rigoroze ndaj Serbisë përkatësisht Federatës së Futbollit të Serbisë. 

UEFA duhet të jetë edhe më e ashpër me serbët sepse më së shumti ata (huliganët serbë në tribuna) shkaktojnë trazira, provokojnë e njihen për sjellje raciste dhe kjo nuk u pa vetëm në vitin 2024 por ka vite që ata shkaktojnë skena të pahijshme.

Opsioni më i mirë do të ishte që Serbisë t’i tërhiqet vërejtja e fundit për gjithë këto skandale që shkaktojnë tifozët e tyre, të përjashtohen tërësisht nga çdo garë ndërkombëtare ose të paktën për 2 vite të luajnë pa praninë e tifozëve serbë brenda dhe jashtë shtetit të tyre. 

Një farë media serbe “Veçernj Novosti” vajton dënimin e  fundit nga UEFA, duke shkruar: “UEFA e gjobiti Federatën e Futbollit të Serbisë (FSS) me gjithsej 173 mijë euro, duke mbyllur pjesërisht tribunat për dy ndeshjet e ardhshme kur Serbia luan si mikpritëse dhe duke ndaluar shitjen e biletave për tifozët për dy ndeshjet e ardhshme jashtë”.