Të paktën 2 persona u vranë dhe 68 u plagosën pasi një makinë u përplas me turmën në një treg Krishtlindjesh.
Pas sulmit, policia identifikoi Taleb al-Abdulmohsen si të dyshuarin kryesor të sulmit. Mjeku 50-vjeçar nga Arabia Saudite erdhi në Gjermani në vitin 2006 dhe iu dha statusi i refugjatit në vitin 2016. Mes hetimeve, “The Washington Post” citoi një zyrtar gjerman që pohoi se Abdulmohsen kishte ndarë “pikëpamje anti-islamike”.
Një zyrtar tjetër anonim i tha gazetës amerikane se autoritetet po kontrollojnë shtëpinë e të dyshuarit dhe besojnë se ai mund të ketë qenë nën ndikimin e drogës në momentin e sulmit.
Abdulmohsen u arrestua menjëherë në vendngjarje.
Ky zbulim i ri mbi pikëpamjet e të dyshuarit kryesor për sulmin, u bë i rëndësishëm pasi disa liderë të ekstremit të djathtë në të gjithë Evropën, menjëherë pas sulmit, shtynë retorikën kundër emigracionit dhe anti-islamit. /Klankosova.tv
