Gianluigi Buffon foli për suksesin e Serie A

Gianluigi Buffon foli për suksesin e Serie A si një kampionat dhe pse klube si Atalanta janë modeli që duhet ndjekur.

Ish-portieri italian tha se pas Premierligës angleze, Serie A është më e mira.

“Futbolli ynë ka ndryshuar. Pas Premier League angleze, ne jemi menjëherë pas.

Mendoj për një revolucion kulturor nga shumë trajnerë, tani na pëlqen të shohim ndeshjet e Serie A.”

Dhe, për Atalantën, ai shtoi: “Ata janë një ekip që është i mirë për të gjithë. Nuk jam i befasuar, sepse nuk mund të improvizosh nëse dëshiron të arrish nivele të caktuara në futboll. Familja Percassi ka pasur një projekt largpamës që po vazhdon prej një kohe të gjatë.”