Kurti zbulon emrat e njerëzve të Radoiçiqit që sipas shtetit i kanë kryer sulmet në veri

Kryeministri i Kosovës, Albin Kurti, ka dalë në konferencë për media dhe ka folur për aktet terroriste që kanë ndodhur në Kosovë.

Ai ka thënë se këto akte janë kryer nga dy persona që i ka caktuar Milan Radoiçiq, e që janë të afërt me të.

“Bazuar në informacionet që posedojmë institucionet e sigurisë në Kosovë, Radoiçiq ka caktuar dy persona të afërt të tij për të realizuar sulme në veri përmes grupeve të tyre të cilët kanë marrë pjesë edhe në sulmin terrorist në Banjskë të Zveçanit dhe tash strehohen në Serbi”.

“Këta dy persona janë: Nemanja Radiojeviq me nofkën “Gandi” dhe Vladimir Radiojeviq me nofkën “Mami””.