Shala largohet nga Dukagjini

Futbollisti Arbër Shala është larguar nga skuadra e Dukagjinit të Klinës.

Lajmi bëhet i ditur nga faqja zyrtare e klubit.

“Me marrëveshje të dyanshme, kemi ndërprerë bashkëpunimin me Arbër Shalën. 

Klubi ynë shpreh mirënjohje për kontributin e jashtëzakonshëm të Shalës gjatë 4 viteve e gjysmë si pjesë e ekipit tonë. 

Përkushtimi, pasioni dhe profesionalizmi i tij kanë lënë gjurmë të pashlyeshme. 

Arbërit i urojmë suksese të mëdha në karrierën e tij të mëtejshme, duke e siguruar se dyert e klubit tonë do të jenë gjithmonë të hapura për të. 

Faleminderit që ishe pjesë e familjes sonë, Arbër!”, njofton KF Dukagjini.