Perez ka gjetur qendërmbrojtësin e së ardhmes

Real Madrid raportohet se po planifikon një blerje me vizion afatgjatë për qendrën e mbrojtjes. Presidenti Florentino Perez është gjithmonë një hap përpara të tjerëve, madje edhe dy.

David Alaba dhe Antonio Rudiger janë në fund të karrierës, kështu që në Madrid duhet një emër i ri dhe që garanton shumë vite cilësi, plus edhe qëndrueshmëri.

Emri i përzgjedhur nga Los Blancos është Dean Huijsen, aktualisht lojtar i Bournemouth.

19-vjeçari ka tërhequr vëmendjen e shumë klubeve europiane, përfshirë Chelsea, PSG dhe Bayern.

Huijsen është lojtar i cili luan mirë me topin, bën pasime vertikale të shkëlqyera në stilin Hummels apo Bonucci dhe lëviz shumë në mesfushë.