Incidenti në Prizren: 18-vjeçari theri me thikë 44-vjeçarin, arrestohen dy të dyshuar

Në një incident që ndodhi sot në fshatin Poslisht të Prizrenit, një person i moshës madhore është therur me thikë.

Sulmuesi ishte një person rreth 18-vjeçar.

Zëdhënësi rajonal i Policisë së Prizrenit, Shaqir Bytyqi konfirmoi për Gazetën e Prizrenit se viktima e këtij incidenti R. Sh. , lindur me 1980 nga fshati Poslisht është therur në krahëror pas një mosmarrveshjeje me të dyshuarin.

Ai tha se ndonëse po zhvillohen hetime, ende nuk dihet për shkaqet e konfliktit.

Viktima po trajtohet në emergjencën e Spitalit të Prizrenit.

Bytyqi njoftoi se dy persona tashmë janë arrestuar në lidhje me rastin.

Referuar infomacioneve nga spitalit rajonal i Prizrenit viktima është jashtë rrezikut për jetë. / Gazeta e Prizrenit