Artan Nimani kujton kohën kur u krijua radio e UÇK-së: Ju flet Kosova e lirë
- Bota Sot
Artan Nimani, kandidat për deputet nga AAK, ka kujtuar 26 vjetorin e themelimit të Radios-Kosova e Lirë.
Në një postim të sotëm për 26 vjetorin e themelimit ai tha se kjo radio bëri të mundur që shqiptarët të kishin një kanal informacioni dhe motivimi.
Sipas tij kjo radio nuk ishte thjesht një mjet komunikimi, por një simbol i unitetit dhe forcës së popullit të Kosovës.
“Në ato ditë të vështira, kur Kosova ishte e rrethuar nga dhuna dhe terrori, Radio-Kosova e Lirë shërbeu si pishtar drite për Ushtrinë Çlirimtare të Kosovës dhe për çdo shqiptar që luftonte për lirinë e vendit,” shkruan kandidati për deputet në listën e AAK-së që mban numrin 25.
