Gjermani: Vonesa dhe anulime në disa aeroporte, përfshirë tre nga aeroportet kryesore

Kushtet e motit me borë dhe akull kanë ndikuar në transportin ajror në tre nga aeroportet kryesore të Gjermanisë, ku disa fluturime duhet të anulohen ose të vonohen.

“Për shkak të kushteve të parashikuara të motit, operacionet e fluturimit pritet të kufizohen dhe fluturimet të anulohen të dielën, më 5 janar, veçanërisht në mëngjes”, njofton Aeroporti i Mynihut në faqen e tij të internetit.

Aeroporti i Frankfurtit paralajmëroi gjithashtu se do të ketë ndërprerje dhe anulime të ngjashme gjatë orëve të mëngjesit dhe këshilloi udhëtarët që të kontrollojnë statusin e fluturimeve të tyre përpara se të nisen për në aeroport.

Aeroporti i Shtutgartit në Gjermaninë jugperëndimore gjithashtu raportoi disa vonesa për shkak të motit të dimrit. Disa avionë duhet të hiqen nga akulli përpara nisjes, duke vonuar kohën e nisjes.

Vonesa dhe anulime do të ketë edhe në transportin hekurudhor të Gjermanisë, sidomos në zonën e Frankfurtit, njofton Deutsche Bahn.