Roma mbret i derbit të kryeqytetit! Për shqiptarin natë e zezë, tensione në fund dhe një karton i kuq

Roma ka treguar fuqinë në derbin e kryeqytetit italian! 

Romakët janë mbret i derbit, duke e mposhtur me rezultat 2:0 Lazion!

Reprezentuesi i Shqipërisë, Elseid Hysaj, pati mbrëmje të zezë, përveç që skuadra e tij Lazio mposhtet nga Roma, ai nuk ka luajtur as një minutë duke qëndurar në pankinë.

Roma ngadhënjeu me meritë falë golave të futbollistëve  Pellegrini në minutën e 12-të dhe Saelemaekers në atë të 18-tën. 

Në minutën e 90+3 tensione të mëdha, gati sa përleshën futbollistët mes vete por së shpejti u qetësuan gjakrat.

Pas kësaj, në minutën e 90+5 Castellanos i Lazios është përjashtuar direkt me karton të kuq. 

Pas javës së 19-të në Serie A, Lazio renditet në vend të katërt me 35 pikë dhe Roma në të dhjetin me 23 sosh.