Mesfushori i Kombëtares shqiptare transferohet në Portugali

Dijar Ferati është transferuar zyrtarisht në Portugali.

Mesfushori i Kombëtares shqiptare U17 vendosi që të mbyllte aventurën e tij me Utsiktens në Suedi, për të nisur një të re te Rio Ave U23.

Është eksperti i merkatos, italiani Fabrizio Romano që e ka konfirmuar këtë transferim.

Ferati pritet të jetë një aset i çmuar për ekipin portugez, për të tashmen dhe të ardhmen.

Kujtojmë që 16 vjeçari si fillim ka qenë pjesë e përfaqësueses së moshave të Suedisë. Por më pas, Ferati vendosi që t’i bashkohej kuqezinjve. Ai u grumbullua me Kombëtaren U17 në nëntor të 2024-ës.