Valverde: Barcelona është favorite

Bilbao përballet sonte në mbrëmje me Barcelonën në gjysmëfinalen e parë të Superkupës që zhvillohet në Xheda (Arabia Saudite).

Dhe trajneri i baskëve, Ernesto Valverde ka dashur të lehtësojë barrën e lojtarëve të tij, duke i lëshuar rolin e favorit Barcelonës së Hansi Flikut.

Duke folur në konferencën për shtyp para takimit, tekniku i bardhekuqve është shprehur:

“Jemi të emocionuar për këtë kompeticion, e kemi pritur prej kohësh. Synimi ynë është të shfrytëzojmë në maksimum mundësitë tona për të fituar. Është një ndeshje e komplikuar, përballemi me një rival të madh.

Ne nuk jemi favoritë, por duhet ta luajmë këtë takim si një finale. Dhe në këtë kuptim të gjithë do të japim gjithçka për të kaluar pasi kemi arritur deri këtu”.