Atalanta shfaq interes për Brojën

Atalanta synon që të përforcojë repartin e sulmit gjatë merkatos së janarit.

Drejtuesit e klubit zikaltër po studiojnë disa alternativa dhe janë fokusuar tek 3 lojtarë të Evertonit në repartin e avancuar, mes të cilëve edhe Armando Broja.

Sulmuesi përfaqëson një emër tashmë të njohur në Zingonia: shqiptari, i cili po rikuperohet nga një dëmtim, ishte në vëmendjen e Atalantës kur luante për Çelsin.

Profili i tij mbetet interesant për të kompletuar repartin ofensiv.

Nëse tratativat do të përfundonin me sukses, atëherë Broja do të bëhej shok skuadre me kapitenin e kombëtares, mbrojtësin Berat Gjimshiti, që është një pikë referimi në mbrojtjen e Atalantës.