Merr ofertën që nuk e refuzon dot

Aventurës së Casemiro tek Manchester United duket se i ka ardhur fundi. Sipas The Times, braziliani ka njoftuar klubin se kërkon të largohet brenda këtij muaji.

Casemiro do të transferohet në Arabinë Saudite. Ekipi i ri i brazilianit pritet të jetë Al-Nassr, aty ku do të bashkohet me ish-shokun e tij te Real Madrid, Cristiano Ronaldon.

Manchester United pagoi 70 milionë paundë në vitin 2022 për ta transferuar nga Reali, ndërsa tani është i gatshëm ta shesë atë për 25 milionë paund.

Braziliani do të bëhet një nga futbollistët me pagën më të shtrenjtë jo vetëm në këtë ligë, por në gjithë botën. Al-Nassr është i gatshëm ta paguajë jo më pak se 650,000 £ në javë.

Amorim ka dhënë “ok” e tij për këtë lëvizje, pasi nuk e shikon brazilianin si element aktiv të projektit të tij.