Slot: Kjo është arsyeja pse Chiesa nuk po luan

Arne Slot, trajneri i Liverpool-it, foli në një konferencë për shtyp në prag të ndeshjes kundër Accrington Stanley në Kupën e Anglisë, duke u shprehur kështu për Federico Chiesa: “Çdo ndeshje është një mundësi për çdo lojtar, që të marrë disa minuta.

Arsyeja pse nuk po luan Chiesa? Të luash pak nuk është vetëm nga forma fizike, por edhe sepse ai duhet të konkurrojë me lojtarë si Gakpo, Luis Diaz, Diogo Jota, Nunez dhe Salah. Të gjithë këtu i dinë numrat e Salah gjatë një ndeshjeje, është shumë në formë”.

Slot u thellua mbi këtë temë, Chiesa dhe kohën e tij të papërfillshme të lojës: “Nuk kam parasysh vetëm atë, kur flas për kohën e kufizuar të lojës, por edhe të tjerët. Megjithatë, përsa i përket Federico-s, sigurisht që kishte pengesa para tij.

I referohem këtu mënyrës se ku mbërriti, të tjerët tashmë po stërviteshin shumë dhe ne duhej të përmirësonim gjendjen e tij fizike. Ka një sërë arsyesh pse ai nuk ka luajtur ende shumë, por le të presim dhe të shohim në javët dhe muajt e ardhshëm. Shpresoj të jetë në gjendje të na ndihmojë gjysmën e dytë të sezonit, sepse është më e rëndësishme se e para”.

Së fundi, dy shaka edhe mbi interesin e supozuar për Khvicha Kvaratskhelia: “Kur më bëre pyetjen, mendova: Për cilin klub do të flas tani? Në vend të kësaj, ju thoni se ne jemi të interesuar për të. Ju kërkoj të mos më zhgënjeni, ju lutem mos i paraqitni të gjithë këto lojtarë si objektivat tanë.

Dhe mos thoni se ata që nuk luajnë shumë për ne do të shkojnë diku tjetër. 99 nga 100 lajme mbi merkaton nuk janë të vërteta. Është e qartë se pothuajse të gjitha këto lajme nuk janë të vërteta, kështu që thashethemet vazhdojnë të qarkullojnë, por ju nuk do të keni asnjë koment”.