Guardiola: Hap pas hapi lojtarët po kthehen në formën e tyre më të mirë

Trajneri i Manchester Cityt, Pep Guardiola, është shprehur i kënaqur me fitoren dhe paraqitjen e skuadrës së tij ndaj Salfrod.

‘Qytetarët’ deklasuan Salfrod (8-0), duke kaluar në rundin tjetër të FA Cup.

“Më në fund fituam një ndeshje me një diferencë të mirë, me gjithë respektin për Salford. Nuk ishte e lehtë, por ne u treguam të aftë në sulm, jam i kënaqur me performancën”, ka thënë Guardiola.

Strategu spanjoll është i bindur se të besuarit e tij hap pas hapi po kthehen në formën e tyre më të mirë.

“Hap pas hapi lojtarët po kthehen. Këtë sezon ose ndoshta të ardhshmin, vijnë lojtarë të rinj dhe ju duhet të luftoni për pozicionin tuaj. Kur dikush të shtyn, ke konkurrencë dhe jep gjithçka”, ka pohuar Guardiola.