Liverpool refuzon ofertën 70 milionë euro për 25-vjeçarin

Darwin Nunez do të largohet nga Liverpool në merkaton e janarit vetëm nëse klubi i kuq merr ofertën që do. Anfield Watch raporton se Liverpool ka refuzuar ofertën e sauditëve të Al-Hilal për Darwin Nunez prej rreth 70 milionë eurosh.

Në Angli janë të sigurt që Liverpool nuk do heq dorë nga sulmuesi uruguajan për më pak se 85 milionë euro.

Klubi i kuq pagoi 75 milionë euro te Benfica, por Nunes nuk ka bindur deri tani.

Për Nunez ka një interes të madh nga disa klube të njohura në Europë, por ofertat më joshëse si për vetë lojtarin dhe klubin vijnë nga Arabia Saduite. Duke parë këtë interes të madh, Liverpool i ka vendosur çmimin 85 milionë euro.

Ndërkohë, Slot ka filluar nga puna për të identifikuar pasuesin e Nunez për sulmin e Liverpool, por deri tani nuk dihen emra konkret.