Mbrojtësi kanadez te Bajerni ka thënë “Po” ofertës së Real Madridit

Mbrojtësi i majtë i Bajern Munihut, Alfonso Dejvies thuhet se ka pranuar t’i bashkohet Real Madridit. 24-vjeçari kanadez është nën presion të madh nga klubi i tij aktual, pasi Bajerni nuk dëshiron ta lërë të largohet.

Gjigantët gjermanë i kanë ofruar mbrojtësit një kontratë të re me kushte të përmirësuara financiare, por Real Madrid ka besim se Dejvis përfundimisht do të nënshkruajë me klubin spanjoll.

Sipas gazetës “Marca”, Dejvis i ka thënë ‘po’ Real Madridit rreth kushteve personale dhe gjithçka pritet të finalizohet me transferimin e tij falas në verë. Ndryshe, kontrata e tij aktuale me Bajernin skadon në fund të këtij sezoni.

Mbrojtësi i talentuar është me klubin e Munihut që nga janari i vitit 2019.