Synojnë talentin e Laçit

Arlind Kurti po spikat këtë sezon me fanellën e Laçit dhe paraqitjet e tij të mira kanë bërë që disa skuadra të rëndësishme europiane të synojnë mbrojtësin 19-vjeçar.

Leçe është një nga ekipet që kërkon shërbimet e qendërmbrojtësit, që është pjesë e kombëtares U21.

Por edhe Torino dhe holandezët e Heerenveenit kërkojnë që të bëjnë të vetin Kurtin.

Teknikë e mirë bazë, i shpejtë, Kurti di të luajë me të dyja këmbët dhe, pavarësisht se është qendërmbrojtës, është në gjendje të luajë në të dyja korsitë e mbrojtjes. Vlera e kartonit të tij në treg llogaritet rreth 300 mijë euro.