Alan Shearer reagon pas nënshkrimit të kontratës së Erling Haaland - frikësohet

Alan Shearer ka shprehur mendimin e tij për kontratën e jashtëzakonshme të Erling Haaland dhe tani  rekordi i tij më me së shumti gola në Premier League mund të thyhet

Haaland, 24 vjeç, ka nënshkruar një kontratë të re prej 9.5 vjet, që do ta mbajë atë në Manchester City deri në verën e vitit 2034.

Në atë kohë, Haaland do të jetë 34 vjeç dhe do të ketë mbyllur sezonin e tij të 12-të te City, pas kalimit nga Borussia Dortmund në vitin 2022.

Duke pasur parasysh faktin që ai ka fituar Çmimin e Këpucës së Artë të Premier League – i dhënë për golashënuesit më të mirë të ligës çdo sezon – në dy sezonet e fundit, ai mund të jetë në garë për të thyer rekordin e Shearer.

Shearer, 54 vjeç, ka luajtur për Southampton, Blackburn dhe Newcastle gjatë karrierës së tij dhe ka shënuar 260 gola në 14 sezone. Ndërsa Haaland aktualisht ka 79 gola në Premier League në 87 ndeshje që nga mbërritja e tij në 2022.

Në ligë, Haaland ka një raport goli thuajse një gol për ndeshje, sipas BBC Sport.

Nëse Haaland do të shënonte mesatarisht 20 gola për sezon gjatë dhjetë sezoneve të ardhshme, ai do të arrinte rekordin e Shearer para përfundimit të kontratës së tij të re.

Sigurisht, futbolli mund të ndryshojë. Haaland mund të ndryshojë klub para se të përfundojë kontrata e tij ose mund të pësojë dëmtime të mëdha që mund të rrezikojnë mundësitë e tij për të thyer rekordin.

Tani, Shearer ka thyer heshtjen e tij, duke postuar në X të premten në mëngjes.

“Urime Erling Haaland,” shkroi ai bashkë me dy emotikona.

“Nëntë vite e gjysmë? Sigurisht që nuk do të të duhet kaq shumë.”

Haaland nuk i është përgjigjur urimit të Shearer, por ka shprehur “falënderime” për Pep Guardiola për “ndihmën” që ka marrë gjatë këtyre viteve, që pa dyshim ndikoi në vendimin e tij për të nënshkruar një kontratë të re.

“Jam vërtet i lumtur që nënshkrova kontratën time të re dhe që mund të pres të kaloj edhe më shumë kohë në këtë klub të mrekullueshëm”, tha Haaland.

“Manchester City është një klub i veçantë, plot me njerëz fantastikë dhe tifozë të mrekullueshëm dhe është një ambient që ndihmon për të nxjerrë më të mirën nga të gjithë”.

“Po ashtu, dua të falënderoj [menaxherin] Pep [Guardiola], staf-in e tij të trajnerëve, shokët e mi të ekipit dhe të gjithë në klub pasi të gjithë më kanë ndihmuar kaq shumë gjatë dy viteve të fundit”.

Lista e golashënuesve më të mirë të të gjitha kohërave në Premier League:

Alan Shearer – 260 gola

Harry Kane – 213 gola

Wayne Rooney – 208 gola

Andrew Cole – 187 gola

Sergio Aguero – 184 gola

Frank Lampard – 177 gola

Thierry Henry – 175 gola

Mohamed Salah – 175 gola

Robbie Fowler – 163 gola

Jermain Defoe – 162 gola