“Topi i Artë 2024”, këto janë çmimet që do të ndajë FSHF në mbrëmje gala spektakolare

Mbrëmja Gala “Topi i Artë 2024” do të organizohet nga Federata e Futbollit më 27 janar në Teatrin e Operas dhe Baletit.

Ky event madhështor do të jetë një festë e veçantë kushtuar arritjeve të futbollit shqiptar dhe suksesit të ekipit kombëtar në finalet e Europianit “Gjermani 2024”.

Ceremonia do të ofrojë spektakël dhe surpriza, duke e kthyer këtë event në një prej ngjarjeve më të rëndësishme të vitit për futbollin shqiptar.

Plot 9 çmime prestigjioze do të ndahen për të nderuar lojtarët/lojtaret më të mirë dhe më të spikatur të vitit 2024:

“Topi i Artë” 2024 djem

“Topi i Artë” 2024 vajza

“Këpuca e Artë” djem

“Këpuca e Artë” vajza

“Arbitri i Vitit”

“Trajneri i Vitit”

“Talenti i Vitit” vajza

“Talenti i Vitit” djem

“Formacioni i Vitit”

11-shja më e mirë e futbollit shqiptar është përzgjedhur nga gazetarët sportivë vendas përmes një procesi elektronik të mbyllur, duke garantuar transparencë dhe profesionalizëm.