Skënderbeu gjen zëvendësuesin e Ermir Rashicës

Ermir Rashica po luan ndeshjet e fundit me Skënderbeun, me sulmuesin që do të largohet drejt Ukrainës për të vazhduar karrierën te skuadra e Metalist Kharkiv. Por në Korçë nuk kanë qëndruar duarkryq, pasi drejtuesit kanë arritur të gjejnë zëvendësuesin e tij.

Vsevolod Sadovskiy do të firmosë në ditët në vazhdim me korçarët dhe do të nisë kështu një aventurë të re në Shqipëri.

Palët mes tyre kanë arritur marrëveshjen dhe kështu 28-vjeçari do të bëhet afrimi i 3-të i korçarëve.

Ka një karrierë të pasur, teksa ka luajtur  për disa ekipe në Bjellorusi. Pozicioni i tij natyral është qendërsulmues dhe transferimi i tij do të zgjidhte “hallet” e Ernest Gjokës.