“Nuk është paqe nëse ndodh ajo që ndodhi në 2014″, Baerbock: Ukraina ka nevojë për garanci sigurie

Ministrja e Jashtme gjermane, Annalena Baerbock bëri thirrje sot për garanci të forta sigurie për Kievin, në mënyrë që të sigurohej një paqe e mundshme në afat të gjatë, pas përpjekjeve të presidentit amerikan, Donald Trump për negociata.

Ajo paralajmëroi se përpjekjet e dështuara të kaluara për t’i dhënë fund konfliktit në Ukrainë, i cili përfundoi me agresion të mëtejshëm rus, mund të përsëriten nëse aleatët e Ukrainës nuk insistojnë në masat adekuate të sigurisë.

“Nuk është paqe nëse ndodh ajo që ndodhi në 2014, përgatitja për një ofensivë edhe më brutale”, tha Baerbock për radion publike “Deutschlandfunk”, duke iu referuar ngjarjeve rreth aneksimit nga Rusia të gadishullit të Krimesë të Ukrainës.

“Kjo është arsyeja pse ne kemi nevojë për garanci sigurie që funksionon”, shtoi ajo.

“Është absolutisht e qartë se nuk mund të dërgosh ushtarë atje nëse nuk ka siguri”, tha Baerbock – pasi u pyet nëse po shqyrtonte dislokimin e trupave gjermane për të siguruar një armëpushim të mundshëm.

“Por një mision “Blue Helmet” i mbështetur nga Kombet e Bashkuara, ku amerikanët, rusët dhe kinezët do të bien dakord gjithashtu në Këshillin e Sigurimit, ku shtetet e Gjirit, për shembull, mund të ofrojnë gjithashtu trupa, kjo do të ishte një çështje krejtësisht tjetër”, shtoi ai.

“Tani është e rëndësishme t’i bëhet e qartë Uashingtonit se amerikanët gjithashtu kanë interes në një Evropë të fortë që vepron në partneritet me SHBA-në” tha Baerbock.