Shqipëria U-19 zyrtarizon dy ndeshje miqësore me Maqedoninë e Veriut më 21 e 23 mars

Kombëtarja shqiptare U-19 do të zhvillojë dy ndeshje miqësore kundër Maqedonisë së Veriut në muajin mars. Departamenti i Komunikimit në FSHF bën me dije se dy federatat kanë rënë dakord që miqësoret të luhen në vendin tonë më 21 dhe 23 mars në stadiumin “Skënderbeu” të Korçës.

Takimi i parë Shqipëri – Maqedoni e Veriut do të zhvillohet më 21 mars në ora 15:00 teksa ndeshja e dytë do të luhet më 23 mars në ora 12:00.

Trajneri Julian Ahmataj dhe stafi teknik i ekipit kombëtar U-19 do të kenë mundësinë të testojnë dhe të shohin gjendjen aktuale të kuqezinjve në këto dy takime të rëndësishme.

Shqipëri – Maqedoni e Veriut, 21 mars, ora 15:00, stadiumi “Skënderbeu”

Shqipëri – Maqedoni e Veriut, 23 mars, ora 12:00, stadiumi “Skënderbeu”