Simeone: Lojtarët e mi janë gladiatorë!

8 golat e shënuar nuk mjaftuan për të përcaktuar një favorit, me Barcelonën dhe Atletico Madrid që lanë pezull kualifikimin për në finalen e Kupës së Mbretit.

Barazimi 4 me 4 ishte u bukur për tifozët, por jo për trajnerin Hansi Flick, për më tepër që ekipi i tij shpërdoroi në fund avantazhin e dy golave.

Trajneri Diego Simeone,vuri theksin te shpirti i ekipit të tij për barazimin  që u arrit në minutat e fundit.

“Ajo që bie në sy është shpirti i këtij ekipi.

Lojtarët e mi janë gladiatorë të vërtetë, kanë një shpirt të jashtëzakonshëm. Kur ndeshja shkoi 4-2 dukej e vështirë për t’u kthyer, por guximi i lojtarëve ishte i pabesueshëm.

Festa te goli i katërt? Ishte një shpërthim gëzimi”, u shpreh Simeone.