Presidentja Osmani shkon në AKI për 8 Mars, bën fotografi të pazakontë me punonjëset
- Gazeta e Prizrenit
Presidentja Vjosa Osmani, ka lartësuar Agjencinë e Kosovës për Inteligjencë (AKI), duke thënë se vendimet strategjike të Kosovës varen shpesh nga puna e padukshme dhe fundamentale e kësaj agjencie.
Ajo ka publikuar edhe një fotografi me punonjëset e AKI duke mos i identifikuar ato.
Postimi:
Vendimet strategjike të Republikës së Kosovës varen shpesh nga puna e padukshme, por fundamentale e Agjencisë së Kosovës për Inteligjencë (AKI).
Për nder të ditës ndërkombëtare të gruas, isha në mesin e heroinave tona të fshehta, grave të fushës së inteligjencës, të cilat në çdo kohë janë aty ku duhet dhe me krenari mbrojnë interesin e Kosovës.
Nga AKI, urime 8 Marsin te gjitha grave të Republikës së Kosovës! /GE
