Gjermani/ Burri i vë zjarrin gruas në tramvaj, shpallet në kërkim nga policia. 46-vjeçarja në spital me djegie të rënda

Një grua 46-vjeçare ka pësuar djegie të rënda pasi u sulmua më herët gjatë ditës së sotme nga bashkëshorti i saj, i cili  i vuri flakën teksa po udhëtonte me një tramvaj në qytetin Gera të Turingut.

Policia ka publikuar një fotografi të të dyshuarit, i cili është Tengizi Kakiashvili me origjinë nga Gjeorgjia i cili u shpall në kërkim.

“Për momentin nuk mund të përjashtojmë mundësinë që personi që kërkojmë është i rrezikshëm”.

“Ju lutemi mos e vendosni veten në rrezik”, tha zëdhënësja e policisë Katja Rieder.