Agim Ademi: Dy ndeshjet kundër Islandës do të jenë spektakël i vërtetë

Kryetari i Federatës së Futbollit të Kosovës, Agim Ademi, ka takuar Thorvaldur Örlygsson, kryetarin e Federatës së Futbollit të Islandës.

Ky takim ishte i përzemërt para sfidës së nëserme (20.45) mes Kosovës dhe Islandës.

Përballja e vlefshme e play-off-it për një vend në Ligën B të Kombeve.

“Në prag të ndeshjes së ‘play-off’-it të Ligës së Kombeve, Kosovë-Islandë, sipas traditës shtrova darkë për presidentin e Federatës së Futbollit të Islandës, Thorvaldur Örlygsson dhe drejtorin teknik Jaki Sveinsson si dhe delegatin e ndeshjes së UEFA-s, Anthony Bloch nga Anglia.

Takimet e tilla janë mundësi e mirë për të ndarë përvojat, për të diskutuar mbi zhvillimin e futbollit në vendet tona dhe për të forcuar bashkëpunimin mes dy federatave.

Jam i bindur se dy ndeshjet kundër Islandës do të jenë spektakël i vërtetë dhe do ta na dhurojnë emocione të pafundme të gjithëve!”, ka shkruar Ademi në profilin e tij në facebook.