Mësohet e ardhmja e Joao Felixit

Joao Félix ende nuk po gjen vendin e tij.

Pas dështimeve në Atlético de Madrid, Chelsea dhe Barcelona, sulmuesi portugez ka përjetuar një tjetër kapitull zhgënjyes në karrierën e tij.

Këtë herë, aventura e tij në AC Milan ka qenë e shkurtër.

Pas mbërritjes në janar nga klubi londinez, ai ka pasur pak mundësi dhe tashmë është informuar se nuk është pjesë e planeve të ardhshme të klubit.

Chelsea, që shpenzoi 52 milionë euro për transferimin e tij të përhershëm verën e kaluar, ka humbur durimin.

Klubi “blutë” e ka futur atë në listën e lojtarëve të panevojshëm për tregun e verës dhe shpreson ta mbyllë largimin e tij sa më shpejt.

Në Stamford Bridge, ata e dinë se mungesa e minutave nuk i bën asnjë dobi askujt, kështu që do të kërkojnë t’i gjejnë një destinacion të ri sa më shpejt.

Joao ka një kontratë deri në vitin 2031, por situata e tij aktuale e vendos atë më shumë jashtë sesa brenda skuadrës.

Raportet nga Anglia sugjerojnë se klubi është i vendosur të largojë disa lojtarë, përfshirë Sterling, Chilwell dhe Kepa, por rasti i lojtarit portugez është një shqetësim për shkak të kosto të lartë të transferimit dhe kthimit të kufizuar që ka dhënë.

Benfica mund të jetë shpëtimi për lojtarin portugez.

Në Portugali, ata e shohin atë me sy të favorshëm dhe konsiderojnë mundësinë e një rikthimi, qoftë në formë huazimi, qoftë duke ulur çmimin e tij të transferimit. Ajo që është e qartë është se Londra dhe Milani nuk e duan më.

Joao Félix duhet të rindërtojë karrierën e tij.