Leverkuseni kërkon 120 milionë euro

Sezoni i Florian Virtzit, vetëm 21 vjeç, po duket si ai i konsolidimit të tij si lojtar në nivele të larta, pas një sezoni të shkëlqyer vitin e kaluar. Bajer Leverkuseni e di se këtë verë mund të tërheqë vëmendjen e shumë klubeve të mëdha dhe, sipas raporteve të “Sky Sport DE”, klubi po punon për ta rinovuar kontratën e tij, e cila skadon më 30 qershor 2027.

Sipas informacionit, afrimi për nënshkrimin do të përfshinte një klauzolë largimi për verën e ardhshme dhe lojtari po mendon se çfarë të bëjë.

Nëse lojtari do të preferonte të largohej këtë verë, Bajer Leverkuzen ka vendosur tashmë çmimin për ata që janë të interesuar: do të duhen të paktën 120 milionë euro për të ulur në tryezën e negociatave, por mund të shtohen edhe bonuse.

Bajern Munih dhe Man. Siti janë dy klubet kryesore që e kërkojnë këtë yll të talentuar gjerman, i cili ka munguar për shkak të pezullimit në dy ndeshjet e fundit kundër Italisë të Spalletti.

Lojtari ende nuk ka zbuluar se çfarë do të bëjë, ndaj pritet të kalojnë disa javë për të parë nëse do të ketë ndonjë zhvillim lidhur me rinovimin e kontratës. Megjithatë, pritet një verë e nxehtë për këtë lojtar të talentuar të Çabi Alonso. Edhe e ardhmja e trajnerit spanjoll mund të ketë ndikim në vendimin e tij.