Turneu memorial “Ilir Lushtaku” mblodhi veteranët e futbollit

Në Skenderaj u mbajt turneu tradicional memorial “Ilir Lushtaku” për veteranët e futbollit, i organizuar nga Federata e Futbollit e Kosovës.

Ky turne përkujton dëshmorin Ilir Lushtaku dhe shërben si një manifestim i respektit dhe mirënjohjes për sakrificën e tij dhe të gjithë dëshmorëve të kombit.

Në hapjen e turneut, vëllai i dëshmorit, Tahir Lushtaku, mbajti një fjalim emocionues para të pranishmëve, duke falënderuar Federatën e Futbollit të Kosovës, pjesëmarrësit dhe të gjithë ata që po nderojnë këtë ngjarje sportive dhe përkujtimore.

Ai theksoi rëndësinë e mbajtjes së këtij turneu si një traditë që ruan dhe promovon vlerat kombëtare përmes sportit.

Turneu, i cili tashmë është bërë një ngjarje e përvitshme, mblodhi ekipe të veteranëve nga vende të ndryshme, duke krijuar një atmosferë të ngrohtë dhe miqësore, por edhe një garë sportive të fortë dhe të ndershme.

Përveç aspektit sportiv, ky turne shërben si një moment bashkimi dhe reflektimi mbi sakrificën dhe heroizmin e dëshmorëve të kombit..