Coman nuk stërvitet, shqetëson edhe Goretzka

Nëse Interi duhet të përballet me probleme me dëmtimet e shumta për shkak të kalendarit të ngjeshur edhe Bayerni i Mynihut, kundërshtari i ardhshëm i zikaltërve në çerekfinalet e Ligës së Kampionëve, nuk po kalon momente më të mira.

Pas dëmtimeve në mbrojtje të Upamecano, Pavlovic dhe Davies, trajneri bavarez mund të përballet me mungesa të tjera të rëndësishme edhe në reparte të tjera.

Kingsley Coman nuk duhet të jetë në fushë kundër Augsburgut në ndeshjen e ardhshme të Bundesligës pasi ai nuk është stërvitur me ekipin dhe, me përjashtim të një rikuperimi në kohë rekord, duhet të konsiderohet i padisponueshëm.

Por nuk është vetëm francezi e shqetëson trajnerin Kompany, por edhe Leon Goretzka.

Mesfushori është stërvitur individualisht dhe nuk ka gjasa të luajë në ndeshjen e kampionatit, për të tentuar më pas rikuperimin në kuadër të ndeshjes së Champions League kundër Interit. Vendin e tij në fushë do ta zërë Joao Pahlinha.

Kjo është lista aktuale e lojtarëve të dëmtuar të Bayernit të Mynihut shtatë ditë para ndeshjes së parë çerekfinale të Ligës së Kampionëve kundër zikaltër: Neuer, Upamecano, Ito, Davies, Pavlovic, Goretzka dhe Coman.