Haaland jashtë për 5 deri në 7 javë

“Haaland? Mjekët më kanë thënë se do të qëndrojë jashtë për 5 deri në 7 javë. Shpresojmë që të jetë gati për fundin e sezonit dhe për Kupën e Botës për Klube të FIFA-s.

Nuk kemi një lojtar tjetër me aftësitë apo cilësitë e tij specifike, e dimë këtë, por duhet të përshtatemi. Për shumë vite kemi luajtur me strategji të ndryshme në sulm, duke u bazuar te cilësitë e lojtarëve.

Do të gjejmë një zgjidhje tjetër.”

Me këto fjalë në konferencën për shtyp, trajneri i Manchester Cityt, Pep Guardiola, konfirmoi lajmin e keq për mungesën e Erling Haaland për shkak të dëmtimit në kyçin e këmbës së majtë, të pësuar në çerekfinalen e FA Cup ndaj Bournemouth-it.

Stafi i Guardiolës shpreson ta rikuperojë për fundin e sezonit, ndërsa mungesa e tij mund të ndikojë edhe në Kombëtaren e Norvegjisë, që më 6 qershor përballet me Italinë në kualifikueset e Kupës së Botës 2026.

Cilat ndeshje do të mungojë Haaland?

Me siguri norvegjezi do të humbasë përballjet me Leicester, Manchester United, Crystal Palace, Everton, Aston Villa, Wolves dhe gjysmëfinalen e FA Cup, për një total prej 7 ndeshjesh.

Kur mund të rikthehet?

Në rastin më të mirë, Haaland mund të rikthehet kundër Southampton-it më 10 maj, ndërsa në skenarin më të keq mund të humbasë edhe ndeshjen e fundit të kampionatit kundër Fulhamit, më 25 maj.

Kalendari i Manchester City-t:

Manchester City – Leicester (2 prill)

Manchester United – Manchester City (6 prill)

Manchester City – Crystal Palace (12 prill)

Everton – Manchester City (19 prill)

Nottingham Forest – Manchester City (26 prill)

Manchester City – Aston Villa (28 prill)

Manchester City – Wolves (2 maj)

Southampton – Manchester City (10 maj)

Manchester City – Bournemouth (18 maj)

Fulham – Manchester City (25 maj)