Prokuroria kërkon rreth pesë vite burg për Carlo Ancelottin

Trajneri i Real Madridi, Carlo Ancelotti gjatë kësaj jave ka dalur para gjyqit, ku akuzohet për mashtrim tatimor, gjatë vitit 2014-2015.

Sot Prokurorët spanjoll kanë kërkuar një dënim me katër vjet e nëntë muaj burg për Ancelottin.

Ai kërkoi lirimin e tij, duke argumentuar se ai kishte ndjekur vetëm rekomandimet e klubit të Real Madridit.

Prokuroria për trajnerin italian përpos dënimit prej katër vite e nëntë muaj burg ka kërkuar edhe një gjobë prej 3.2 milionë euro.

Ancelotti ishte paraqitur që një ditë më parë para Gjykatës së Lartë të Drejtësisë në Madrid , pasi kishte fshehur nga autoritetet tatimore spanjolle një pjesë të të ardhurave të tij nga të drejtat e imazhit për vitet 2014 dhe 2015.

Një akuzë që Ancelotti e hedh poshtë, duke siguruar se nuk e ka menduar kurrë mashtrimin dhe se ka ndjekur thjesht rekomandimet e Real Madridit për pagesën e një pjese të pagës. Carlo Ancelotti u shpjegoi gjyqtarëve se klubi i kishte garantuar atij 6 milionë euro pagë vjetore neto, me 85% të paguar si të tillë dhe 15% në të drejtat e imazhit.