Kompany: Vëmendja ime është tek Augsburgu

Trajneri i Bayernit, Vincent Kompany, ndoqi nga afër derbin e Milanos në Kupën e Italisë.

Kompany u ngacmua nga gazetarët ku u pyet për zikaltërit, por tekniku u shpreh se është i fokusuar te takimi me Augsburg në kampionat.

“Lojtarët janë të gjithë në dispozicion për këtë ndeshje, të padisponueshmit janë të njëjtët, si ndaj St.Pauli. Kemi luajtur edhe me Guerreiro si mbrojtës të djathtë, kur një i djathtë luan në të djathtë dhe një i majtë në të majtë, krosimet bëhen më shpejt, por tek ne nuk luajnë gjithmonë kështu.

Të luash në krahun e këmbës tënde të forte është e rëndësishme kur luan shumë nga krahët, por për fat të mirë mbrojtësit tanë janë fleksibël në rolet e tyre. Edhe Kimmich ka luajtur si mbrojtës, madje edhe Gnabry e ka bërë këtë rol, kundër Freiburgut.

Gjithmonë mund të jesh kreativ, por për momentin, pavarësisht nga ajo që do të bëjmë dhe kush do të luajë në të majtë apo të djathtë, dua të theksoj se asgjë nuk është më e rëndësishme se objektivi ynë, fitorja.

Ishte një mundësi për mua, doja të mendoja një hap përpara, për Interin, në kohën time të lirë. Sidoqoftë, vëmendja jonë aktuale është vetëm tek Augsburgu. Shikoj gjithmonë futboll në kohën time të lirë, nuk ka rëndësi skuadra”, deklaroi Kompany.