Slot nis të mendojë për festën e Liverpoolit

Liverpooli arriti fitoren e 100-të ndaj rivalëve të tyre lokalë, Evertonit, duke bërë një tjetër hap drejt titullit të Premier Ligës dhe gëzuar trajnerin Arne Slot.

Si rrallë herë, ai i shfaqi emocionet e tij në përfundim të ndeshjes, si për të treguar se përeçse fitoi një derbi, ishte shumë e rëndësishme për atë që ka mbetur për të konfirmuar titullin që në sezonin e tij të parë në “Anfield”.

Tetë ndeshje të mbetura dhe 12 pikë përpara Arsenalit janë thjesht një formalitet.

“E vetmja mënyrë është që të fitojmë ndeshjet tona derisa gjithçka të përfundojë. Por jemi në një pozicion të mirë”, tha trajneri i Liverpulit.

“Derbi është gjithnjë një ndeshje speciale. Ndeshjet kundër tyre janë shumë të vështira.

Por Diogo shënoi një gol fantastik dhe ne jemi të lumtur që ia dolëm të fitonim dhe siguruar tre pikë shumë të rëndësishme.

Jemi të kënaqur me mënyrën sesi luajtëm dhe tani duhet vetëm që të mendojmë të fitojmë ndeshjet tona, pa bërë llogari”, tha holandezi.

Një ndërhyrje e Tarkovskit prodhoi polemika për kartonin e kuq të munguar në minutën e 10-të.

“Janë arbitri dhe VAR ata që marrin vendime dhe ne e dimë sesi ndodh në të tilla situata. Këto ndeshje janë gjithnjë të vështira dhe me shumë momente të tilla. Mojes e ka sjellë në jetë këtë skuadër. Por ne treguam karakter të jashtëzakonshëm dhe krijuam më shumë raste se në ndeshjen në ‘Goodison Park’”.